Skip to Content

Fréttir

          Um réttindi á vinnuvélar

 

Dráttarvélar og tæki með drifskaftstengdum eða vökvaknúnum vélum eða tækjum teljast til skráningarskyldra vinnuvéla.

Vakin er athygli á því að samkvæmt nýlegum breytingum á lögum er refsivert að stjórna skráningarskyldri vinnuvél án gildra réttinda. Einnig hefur, samkvæmt lögum, hámark dagsekta farið úr hundrað þúsund krónum í allt að eina milljón fyrir hvern dag.

Vinnueftirlitið annast framfylgni með lögunum og hefur nú þegar hafist handa. Stofnunin mun kæra til lögreglu öll mál þar sem stjórnandi skráningarskyldrar vinnuvélar er án gildra vinnuvélaréttinda. Mjög mikilvægt hverjum þeim er hyggst stjórna vinnuvél að afla sér réttinda, ekki einungis vegna sekta heldur einnig út frá tryggingasjónarmiði.

Samgöngustofa hefur uppfært upplýsingasíðu sína um endurmenntun atvinnubílstjóra. Þar er einnig krækja þar sem hver og einn bílstjóri getur skráð sig inn og séð hver staða hans er varðandi endurmenntun, hvað er búið og hvað er eftir.  

Hér er krækjan:

https://www.samgongustofa.is/umferd/nam-og-rettindi/endurmenntun-atvinnubilstjora/

 

Ökuréttindi atvinnubílstjóra án endurmenntunar verða ekki afturkölluð

2.2.2019
 
Samkvæmt tilmælum frá dómsmálaráðuneytinu munu lögregluembætti ekki afturkalla gild skírteini gefin út fyrir 10. september 2018 með ökuréttindum fyrir bílstjóra til aksturs ökutækja í flokkum C, C1, D1 og D í atvinnuskyni, sem ekki hafa lokið lögbundinni endurmenntun. Meginástæða er sú að ekki er að finna viðhlítandi refsiheimild í umferðarlögum sem leggur bann við akstri bílstjóra með gild ökuskírteini í atvinnuskyni án endurmenntunar. Krafa um endurmenntun lúti aðeins að skilyrðum fyrir útgáfu ökuréttinda.
 
Öllum sem stjórna ökutækjum í þessum flokkum í atvinnuskyni er áfram skylt að sækja sér endurmenntun. Framvegis verða ökuskírteini með atvinnuréttindum eingöngu gefin út til einstaklinga sem lokið hafa lögbundinni endurmenntun. Skírteini fyrir umrædda flokka til aksturs í atvinnuskyni eru gefin út til fimm ára.

        

 

Hvað gerist eftir 10. september 2018? 
Ljóst er að sá sem ekki hefur fullnægt endurmenntunarkröfunni er ekki löglegur í atvinnuakstri. Lögregla mun hafa aðgang að gagnagrunni um endurmenntun bílstjóra og sjá þar hvort endurmenntunarkröfunni er fullnægt. Spurning er þá hvernig tryggingarfélög meta réttindi bílstjóra ef kemur að tjónum og bótum.

111Samgongustofa.is

                      2.5.2016

Fyrstu endurmenntunarnámskeiðin fyrir bílstjóra með réttindi til að stjórna bifreið í C1, C, D1 og D-flokkum í atvinnuskyni voru viðurkennd 22. apríl sl. Fyrstu viðurkenningarnar fengu Framvegis, miðstöð símenntunar ehf. og ökuskólinn Ökuland ehf. 

22.5.17

Á dögunum var haldið fyrsta endumenntunarnámskeið bílstjóra á Selfossi svo vitað sé.

25.10.17

Nú nýverið var haldið sérhæft endurmenntunarnámskeið á Hockenheimring í Þýskalandi. Á því námskeiði endurmenntuðu rútubílstjórar sig undir leiðsögn þeirra Uwe Beyer og Theo Ruder en þeir eru akstursþjálfarar hjá Mercedes Benz verksmiðjunum. 

 

01.12. 17

Um miðjan nóvember sóttu 16 vörubílstjórar Þýskaland heim og fóru á endurmenntunarnámskeið á sérhönnuðu æfigasvæði í Svartaskógi en það er mjög nálægt vörubílaverksmiðju Daimler í Wörth. Gekk sú ferð vel og var gerður góður rómur að námskeiði þeirra þjóðverja. Hér má sjá mynd af hópnum með Guðna Sveini fararstjóra og Thomasi Empt akstursþjálfara.

01.12.17

30. nóvember sl. tóku 16 rútbílstjórar frá SBA/Norðurleið sérhæft valnámskeið í endurmenntun á Hockenheimring á vegum Ökulands ökuskóla. Þar fóru bílstjórarnir í gegnum æfingar undir leiðsögn þjálfara frá Mercedes Benz. Hér má sjá mynd af hópnum.

Þann 22.02. sl. tók hópur númer 2 frá SBA-Norðurleið, akstursþjálfun á æfingasvæðinu við Hockenheimring. Góð stemming var á meðal þátttakenda eins og sést á myndinni.



Drupal vefsíða: Emstrur