BE-Kerrupróf
Fyrsta skrefið, auk þess að skrá sig hjá ÖKULANDI, er að sækja ökuskírteini/nýjan ökuréttindaflokk hjá sýslumanni. Ökuland er staðsett á Selfossi og fara verklegir ökutímar til BE-réttinda fram þar sem og verklega ökuprófið. Umsóknareyðublaðinu sem skila þarf inn til sýslumanns má sækja HÉR. Almennt þarf ekki að leggja fram læknisvottorð þegar sótt er um BE-réttindi en á því eru þó undantekningar og ef umsækjandi notar gleraugu/linsur þarf að skila inn sjónvottorði frá lækni.
Próftökugjald greiðist til Frumherja þegar farið er í verklegt ökupróf.
Ekki þarf að taka bóklegt ökupróf til BE-réttinda.
Athugið að gjald fyrir nýtt ökuskírteini sem og próftökugjald er ekki innifalið í verði.
- BE-próf veitir rétt til að stjórna bifreið í B-flokki með eftirvagn/tengitæki sem er ekki meira en 3500 kg. að heildarþyngd. Dæmi: fellihýsi, hjólhýsi og hestakerrur sem falla undir þessi mörk/þyngd. Bent er á að það kemur fram í skráningarskírteini eða skoðunarvottorði bifreiðar hve þungan vagn hún má draga. Skráningarskírteini má skoða á á vef Samgöngustofu/Mitt svæði.
Námskeiðsgjald er innheimt með kröfu í heimabanka. Einnig er hægt að greiða með kreditkorti eða kortaláni. Sjá nánar í skráningarformi. Reikningur er sendur í tölvupósti. Einstaklingum er bent á möguleika á námsstyrk stéttarfélaga og fyrirtækjum á styrki úr starfsmenntasjóðum.
| Lengd: | 4 verklegir ökutímar | |
|---|---|---|
| Verð: | 72.000 kr. | |
| Staðsetning: | Selfoss | |
| Kennari: |
Guðni Sveinn Theodórsson |
|
| Umsjón bóklegt: | Dýrfinna Sigurjónsdóttir |