Hér má sjá dæmi um inntak og dagskrá akstursöryggisnámskeiðs:
Lengd: 7 klukkutímar – fæst metið til endurmenntunar atvinnubílstjóra Ökutæki: 2 hópbifreiðar eða 2 vörubílar Fjöldi á námskeiði: 12 þátttakendur
Námskeiðið fer fram á lokuðu akstursöryggissvæði. Eingöngu verða verklegar æfingar, þátttakendur koma til með að skiptast á að aka, fylgjast með ogskiptast á skoðunum.
Leiðbeinendur: Guðni Sveinn Theodórsson ökukennari og Uwe Beyer akstursþjálfari hjá Daimler/EvoBus ( M Benz – Setra).
Markmið námskeiðs:
Námskeiðið miðar að því að aka án þess að stofna sér í hættu.
Þátttakendur upplifa akstur við viðsjárverðar aðstæður og læra hvernig meta skal aðstæður rétt og af öryggi.
Kynnist eðlisfræðilegum lögmálum við hópbifreiðaakstur og læri að þekkja og forðast hættulegar aðstæður á vegi.
Rétt aksturslag í gegnum beygjur og rétt beiting á bremsum við beygjur. Framkvæmd námskeiðs:
Dagskrá:
Upphaf námskeiðs, upphitun.
Réttar stillingar á stjórntækjum, léttar akstursæfingar, svigakstur, þröngar beygjur, bakkæfingar.
Bremsuæfingar á 50 km/klst.
Hádegisverður.
Samanburður á nauðhemlun á 30 / 50 / 70 km/klst.
Sveigt framhjá hindrun – æfingar.
Samantekt og umræður.
Námskeiðslok.
————–
Kennslumyndbönd frá Krone
Ökuland samdi við þýska framleiðandann Krone um að setja íslenskan texta á kennslumyndbönd sem fyrirtækið útbýr.
Krone framleiðir eftirvagna og þessi myndbönd nýtast nemendum sem og öðrum áhugasömum.
Vinsamlega klikkið á tannhjólið hægra megin niðri og veljið íslensku:
Kennslumyndbönd frá Daimler/Mercedes Benz
Ökuland er einnig samstarfi við Daimler/Mercedes Benz í Þýskalandi, einn íslenskra ökuskóla, og er Guðni Sveinn Theodórsson ökukennari hjá Ökulandi með aksturþjálfunarréttindi frá Daimler/Mercedes Benz.
Nú hafa verið framleidd kennslumyndbönd sem Ökuland fékk leyfi til að talsetja á íslensku. Í þeim er m.a. komið inn á þætti sem nýtast öllum bílstjórum, hvort sem þeir keyra í atvinnuskyni eða sem almennir ökumenn.
Skráning
Engin námskeið skráð í Akstursþjálfun á næstunni. Hafið samband við Ökuland fyrir frekari upplýsingar.Fleiri námskeið
Við notum vafrakökur til að vera viss um að upplifun þín af síðunni sé sem best.
Þú getur valið um að leyfa vafrakökur eða hafna valkvæðum kökum.Allt í lagiHafna
Þú getur afturkallað samþykki þitt með því að smella á takkann hér til hliðar.Afturkalla samþykki