Endurmenntunarnámskeið

menu 1

Endurmenntunarnámskeið atvinnubílstjóra í Þýskalandi.

Hægt er að velja um vörubílanámskeið eða rútunámskeið.

Vörubílaferð 26. - 29. mars.

Rútubílaferðir 28. apríl - 1. mai og 20. mai - 23. mai

Mjög mikilvægt er að skrá þátttöku sem fyrst - gudni@okuland.is

Einnig er hægt að búa til námskeið fyrir sérhópa.

Akstursþjálfun vörubílstjóra hjá Mercedes-Benz í Þýskalandi

Námskeiðið er metið hjá Samgöngustofu sem sérhæft valnámskeið til endurmenntunar atvinnubílstjóra.

Auk akstursþjálfunar verður farið í heimsókn í vörubílaverksmiðju Mercedes-Benz í Wörth. Þar er að finna mjög fullkomna verksmiðju þar sem hægt er að fylgjast með samsetningu vörubíla. Einnig verður ekið um Þýskaland t.d. í nágrenni við Svartaskóg og safn í Speyer skoðað.

Ferðaáætlun:

26.03. 2020 – Fimmtudagur:

•Flogið til Frankfurt með Icelandair kl 07:25 og lent þar um kl 13:00 

•Ekið til Wörth, akstur í um 2 klst.  

•Heimsókn í vörubílaverksmiðju Mercedes Benz í Wörth.   

•Gist í Karlsruhe í einsmannsherbergi.

27.03. 2020 – Föstudagur:  

•Tæknisafnið í Speyer skoðað.

•Gist í Bad Neuenahr í einsmannsherbergi.

28.03. 2020 – Laugardagur:  

• Akstursöryggisnámskeiðið í Mendig - sjá nánari dagskrá á næstu síðu. 

• Gist í Bad Neuenahr í einsmannsherbergi.

29.03. 2020 - Sunnudagur:  

•Akstur frá Bad Neuenahr til Frankfurt

•Flogið frá Frankfurt kl: 13:00 og lent heima um kl 15:30

Verð: 185.000. – kr. 

Innifalið:

Flug fram og til baka, flugvallarskattar, námskeiðsgjald fyrir akstursöryggisnámskeið, ferðir milli staða, verksmiðjuheimsókn, inngangur að safni, fararstjórn, gisting í einsmannsherbergi í þrjár nætur með morgunmat.  

Verkalýðsfélög, stéttarfélög og fræðslumiðstöð atvinnulífsins styrkja bílstjóra og fyrirtæki.

Fararstjóri og túlkur á námskeiðinu verður Guðni Sveinn Theodórsson

Akstursöryggisnámskeið:

Námskeiðið miðar að því að aka án þess að stofna sér í hættu. Þú upplifir akstur við viðsjárverðar aðstæður á sérhönnuðum bíl með vagni og lærir hvernig meta skal aðstæður rétt og af öryggi.

Innihald námskeiðsins:

- Eðlisfræðileg lögmál, að þekkja og forðast hættulegar aðstæður á vegi.

- Að bremsa og sveigja framhjá hindrun við misjafnt undirlag.

- Akstur með háan þyngdarpunkt á vagni.

- Rétt aksturslag í gegnum beygjur og rétt beiting á bremsum við beygjur.

- Æfingar á sérstökum ökutækjum.

- Bremsuæfingar og sveigja framhjá hindrun á bíl með vagni.

Kröfur um ökuréttindi: Ökuskirteini fyrir flokk C og CE

Staðssetning:

Am Flugpl. 2 56743 Mendig Þýskaland

Lengd námskeiðs:7 klukkustundir

28. apríl - 1. mai Akstursþjálfun rútubílstjóra - hjá Mercedes Benz í Þýskalandi

EvoBus sem er rútudeild Mercedes Benz samstæðunnar og Ökuland ökuskóli bjóða upp á akstursþjálfun á sérhönnuðu æfingasvæði við í Þýskalandi í lok apríl n.k. fyrir ökumenn hópferðabíla og aðra áhugasama.

Auk akstursþjálfunar verður farið í heimsókn í hópferðabíla- og strætisvagnaverksmiðju EvoBus í Mannheim. Þar eru smíðaðar grindur fyrir bæði strætisvagna og hópferðabíla. Þar fer einnig fram fullkomnasta ryðvörn sem boðið er upp á í hópferðabílum í dag og einnig er hægt að fylgjast með samsetningu strætisvagna.

Einnig verður tækniminjasafnið í Speyer skoðað.

Námskeiðið fæst metið til endurmenntunnar atvinnubílstjóra hjá Samgöngustofu sem sérhæft valnámskeið.

Ferðatilhögun:

28.04.2020 – Þriðjudagur:

Flogið með Icelandair til Frankfurt kl 07:35 og lent þar um kl 12:00
Ekið til Mannheim.
Frjáls tími í Mannheim.
Gist í Mannheim í einsmannsherbergi.

29.04.2020 – Miðvikudagur:

Verksmiðja í Mannheim skoðuð með leiðsögn starfsmanns.
Tækniminjasafnið í Speyer skoðað.
Ekið frá Speyer til Kastellaun.
Gist í einsmannsherbergi í Kastellaun.

30.04.2020 - Fimmtudagur:

Akstursþjálfun í Wüscheim frá kl. 08:00 til 17:00, sjá nánari dagskrá hér að neðan.

Ekið til Frankfurt og gist þar.

01.05.2020 - Föstudagur:

Flogið heim frá Frankfurt og lent um kl 15:30.

Ferðin kostar: 210.000.- kr.
Innifalið er flug fram og til baka, flugvallarskattar, námskeiðsgjald fyrir akstursþjálfun, rútuferðir milli staða, gisting í einsmannsherbergi í þrjár nætur með morgunmat, skoðunarferð um verksmiðju, aðgangur að tæknisafni og fararstjórn.

Kostnað af ferðinni er að hluta til hægt að sækja í starfsmenntasjóði stéttarfélaga.

Fararstjóri verður Guðni Sveinn sem veitir nánari upplýsingar ( 899-1779/gudni@okuland.is ) og sér hann einnig um að skrá þátttakendur.
Hópurinn samanstendur af 12 einstaklingum.
Dagskráin á námskeiðinu er á þessa leið:

08:00 – Tekið á móti hóp.

08:15 – Ekið um svæðið og það sýnt þátttakendum.

Farið yfir aðstöðu ökumanns við stýri og leiðbeint um stillingar á sæti, speglum og stjórntækjum ásamt því að sýndar verða hreyfingar afturhorna við beygju.

09:00 – Svigæfingar og 180° viðsnúningur ásamt æfingum í akstri afturábak.

10:30 – Nauðhemlunaræfingar og samanburður á bremsun.

12:45 – Hádegisverður.

13:45 – Æfingar í akstri niður brekku í hálku.

15:15 – Undir- og yfirstýring, verklegar æfingar.

16:30 – Samantekt um þjálfunina.

20. mai - 23. mai Akstursþjálfun rútubílstjóra - hjá Mercedes Benz í Þýskalandi