Í síðustu viku fóru meiraprófsbílstjórar í náms- og skemmtiferð til Þýskalands á vegum Ökulands. Megin tilgangur ferðarinnar var þátttaka í akstursöryggisnámskeiði hjá Mercedes Benz í Rheinmünster. Í ferðinni var og ekið um í nágrenni Svartaskógar, tvö bílasöfn skoðuð svo eitthvað sé nefnt.
Þátttakendur komu víða að og voru m.a. frá Borgarverki, Gröfuþjónustu Steins Þórarinssonar, Auðberti og Vigfúsi Páli, I.G. Bílum, HM-bílum, bílaumboðsins Öskju auk einstaklinga sem starfa við atvinnubíla.
Námskeiðið er metið til endurmenntunar atvinnubílstjóra.
Með því að fá tækifæri til þess að gera verklegar akstursöryggisæfingar, m.a. við nauðhemlun, upplifir ökumaður og öðlast betri skilning á öryggiskerfum sem er í vörubílum og þannig má auka öryggi í umferðinni.
Myndin sem fylgir með er af hópnum með Guðna Sveini Theodórssyni fararstjóra.
